Надуеност и гасови во стомакот – како да си помогнете?

Гасовите во дигестивниот систем се природен дел од процесот на варење на храната. Тие настануваат како резултат на голтање воздух при јадење и пиење, но и при разградување и ферментација на одредени намирници од страна на цревната микрофлора. Вообичаено, организмот лесно ги отстранува овие гасови, но кога нивното создавање е зголемено или нивното исфрлање е отежнато, може да се појават непријатни симптоми.

Кои се најчестите причини за надуеност?

Чувството на надуеност, притисок во стомакот и појавата на гасови се меѓу најчестите дигестивни тегоби со кои се соочуваат многу луѓе. Тие може да бидат предизвикани од брзо јадење, недоволно џвакање на храната, консумирање газирани пијалаци, мешунки, зелка, кромид и други намирници кои поттикнуваат ферментација во цревата. Дополнително, стресот, недостатокот на физичка активност и одредени дигестивни нарушувања исто така можат да придонесат за појава на овие симптоми.

Гасовите природно се создаваат во текот на варењето на храната, но кога нивната количина е зголемена може да предизвика чувство на надуеност, тежина во стомакот, подждригнување и флатуленција. Овие симптоми често влијаат врз секојдневните активности и го намалуваат чувството на удобност.

Како делува САБЕСП®?

САБЕСП® е медицинско средство кое содржи симетикон – супстанција која делува локално во гастроинтестиналниот тракт. Симетиконот ја намалува површинската тензија на меурчињата од гас, овозможувајќи нивно полесно раздвојување и елиминирање од организмот. Бидејќи не се апсорбира во организмот и не влијае врз процесот на варење, симетиконот делува само таму каде што е потребно.

Кога се препорачува употреба на САБЕСП®?

САБЕСП® се користи за ублажување на симптомите поврзани со вишок интестинални гасови, како што се надуеност, чувство на притисок во стомакот, подждригнување и флатуленција. Дополнително, може да се користи и како помош при подготовка за дијагностички испитувања на абдоменот, како што се ултразвучни, радиолошки и ендоскопски прегледи, кога присуството на гасови може да го отежни добивањето јасна слика.

Начин на употреба

За ублажување на симптомите предизвикани од вишок интестинални гасови, кај возрасни над 18 години се препорачува земање на една капсула три до четири пати дневно. Капсулите може да се земаат пред, за време или по оброк со доволна количина течност. За подготовка пред дијагностички испитувања, се применува според препораките наведени во упатството за употреба.

Совети за намалување на надуеноста

Покрај употребата на соодветни препарати, за намалување на надуеноста се препорачува побавно јадење, добро џвакање на храната, избегнување газирани пијалаци и умерено консумирање намирници кои можат да предизвикаат засилена ферментација во цревата.

Пред употреба внимателно прочитајте го упатството. За дополнителни информации и совет обратете се кај вашиот лекар или фармацевт.