ROCHE Accu-Chek Актив траки за шеќер, 50 тест ленти

Чување и ракување со тест лентите

• Чувајте ги тест лентите на температури меѓу 4 и 30°C. Не замрзнувајте ги тест лентите
• Користете ги тест лентите на температури меѓу 4 и 45°C
• Користете ги тест лентите при влажност на воздухот меѓу 10 и 90%. Не чувајте ги на многу топли и влажни места како бања или кујна
• Чувајте ги неискористените тест ленти во оригиналното кутивче со затворено капаче
• Цврсто затворете го кутивчето веднаш по вадење на тест лента заради заштита од влага
• Употребете ја тест лентата веднаш по вадење од кутивчето
• Фрлете ги тест лентите ако им поминал рокот на употреба. Лентите со поминат рок може да дадат неточни резултати. Рокот на употреба е означен на пакувањето и на етикетата на кутивчето со лентите до симболот. Лентите може да се користат до означениот рок на употреба, доколку правилно се чуваат и се користат. Ова важи за ленти од ново, неотворено кутивче и за ленти од кутивче кое е веќе отворено

Ако резултатот на гликоза во крвта не се поклопува со тоа како се чувствувате, следете ги овие чекори:

• Повторете го мерењето на гликоза во крвта со нова тест лента
• Извршете контролно мерење како што е опишано во прирачникот за употреба
• Ако вашите симптоми сé уште не одговараат на резултатите за гликоза во крвта, контактирајте со вашиот лекар
• Никогаш не игнорирајте ги симптомите и не правете значајни промени во вашата програма за контрола на гликозата без да разговарате со вашиот лекар