NOW ДХА Омега-3 за деца, 60 меки капсули

Омега-3 масните киселини се од големо значење за општото здравје на детето. Тие се меѓу најважните добри масти кои нашето тело ги бара, но не може да ги произведе самостојно и затоа мора да бидат дел од исхраната, но сé почесто и како додаток на исхраната. Омега-3 масните киселини се есенцијални масни киселини, што значи дека тие не можат да бидат синтетизирани од нашето тело.

Омега-3 се од суштинско значење за одгледување на деца за подобрување на нивното когнитивно и бихејвиорално функционирање. Доказите од експерименталните студии покажуваат дека овие нутриенти ги регулираат бихејвиоралните и неврохемиските аспекти кои се поврзани со нарушувањата на однесувањето (одговор на стрес, депресија и агресија, раст, меморија и когнитивните функции). Недостатокот на омега 3 ја нарушува функцијата на мозокот и ја отежнува состојбата кај дечињата со дефицит на внимание. Оптималниот внес на EПA и ДХА ги намалува проблемите во однесувањето и го подобрува капацитетот на мозокот.

Долговерижните полинезаситени масни киселини (PUFA) сочинуваат околу 15-30% од сувата тежина на мозочното ткиво. Тие се вклучени во градбата и функцијата на ЦНС. Структурата на мозокот ја сочинуваат масти и тоа главно фосфоглицериди и холестерол кои се богати со Арахидонска киселина и DHA. Студиите покажуваат дека DHA ја засега функцијата на крвно-мозочната бариера и флуидноста на невронската мембрана. Исто така го регулира системот на невроспроводливост како серотонинскиот, допаминергичниот, норадреналинскиот и ацветилхолинскиот систем. DHA има значителен ефект на невронската мембрана, нејзината динамика со што влијае и врз транспортерите, рецепторите и невротрансмитерските функции. Омега 3 масните киселини имаат одредена биохемија и физиолошки функции во метаболизмот на човекот и здравјето воопшто. За таа цел DHA е основен нутриент за детскиот раст и развој.

DHA е главна структурна маст во мозокот, нервните клетки и ретината на окото. Интересен факт е дека 60% од структурата на мозокот го чинат масти, а 25% од тие масти е DHA.

DHA чини 30% од структурните масти во сивата маса на мозокот. Во комплетната структура конечно оваа масна киселина достига до 97% од омега 3 мастите во мозокот и до 93% од омега 3 мастите во ретината.

Недостатокот на DHA во мозокот може да предизвика проблеми со размислувањето, учењето, когнитивното однесување и да придонесе за нарушување на дефицитот на вниманието и депресијата. Земањето на додатоци од рибино масло покажува подобрување за сите горенаведени состојби. Децата со АДХД обично имаат ниски нивоа на омега-3 масни киселини. Децата со АДХД, на кои им биле давани омега-3 додатоци во исхраната, покажале умерено подобрување на симптомите, вклучувајќи проблеми во обработката на емоциите и дружењето.

DHA и EPA во голема мера се наоѓаат во морските масла, како што се рибините масла од крил, скуша, туна и други видови морска храна. Во храната најважен извор на DHA е рибата и рибиното масло.

• Зошто EPA и DHA се толку важни за активноста на мозокот?

Овие масни киселини се вклучени во составот на мембраните на нервните клетки. Затоа недостатокот на омега-3 масните киселини во клеточните мембрани ги нарушува нормалните функции на мозочните клетки. Истражувањата покажуваат дека EPA и DHA во мозочните клеточни мембрани директно влијаат на синтезата на невротрансмитерите, преносот на сигналот и активноста на некои клучни ензими.

Придобивките од редовното консумирање на Омега-3 масните киселини:

• Поддржуваат детски когнитивен развој
• подобра координација на рацете, социјални вештини и зголемена концентрација
• подобар вид и функција на очите
• Го подобрува читањето и  меморијата.

DHA има важна и повеќекратна улога кај децата, особено кај доенчињата и малите деца до 3 години. Мајчиното млеко е важен извор на DHA, но многу зависи од мајчиниот внес на омега-3 масни киселини.  50% од бремените жени не внесуваат доволно омега-3 масни киселини, и се препорачува суплементација во тек на бременост и доење. Препорачаниот внес на DHA во доенечка возраст изнесува 100 мг/ден. Зголемениот внес не претставува здравствен ризик.

Улогата на Омега-3 масните киселини:

• Клучната улога е во градбата и функцијата на мозокот, како и формирањето на ретината
• Подобрување на најголем дел од когнитивните функции
• Развојот на видот, што овозможува подобра визуелна перцепција
• Кардиоваскуларното здравје, подобрувајќи го крвниот притисок и вискозноста на крвта
• Имуниот систем, заштитувајќи ги децата од алергии и астма во раното детство

Затоа соодветен внес на овие масни киселини треба да се обезбеди уште во бременоста, доењето и за време на детството.

• Оптимален раст и развој на мозокот и нервниот систем. Оптималниот развој на мозокот и мозочната функција влијае врз способноста за учење, меморија и концентрирање.
• Подобрување на однесувањето на децата со невролошки развојни нарушувања. Омега-3 суплементите може да ги намалат симптомите на АДХД. Така во една Јапонска студија испитувана е група на  деца од 6-12 години со АДХД, кај кои се давани поголеми дози на DHA (514 мг на ден) и EPA (100 мг на ден) во период од 2 месеци. Резултатите во таа студија покажуваат редукција на агресијата споредено со контролна група. Бројни студии докажуваат подобрување на вниманието кај овие деца, се намалува и хиперактивноста, импулсивноста и агресијата.
• Подобри когнитивни достигнувања – почестото конзумирање на риба од 1-2  пати неделно асоцира со повисоки когнитивни достигнувања компарирано со оние кои јадат помалку од еднаш неделно риба.
• Помалку настинки во текот на зимските месеци.
• Корисни ефекти врз оптималното функционално созревање на ретината и визуелниот кортекс, DHA претставува 60-80% од сите полинезаситени киселини во структурата на ретинални фоторецептори, со улога во активирањето на родопсин и зголемување на визуелната острина.
• Помал ризик за дијабетес тип 1 – хронична автоимуна болест со почеток во детството поврзана со абнормалности на метаболизмот на простагландин.
• Развојот на здрави коски и заби е особено важен за активно и здраво дете.
• Детето постојано е изложено на бактерии и вируси кога е во контакт со други деца. Добар имунолошки систем помага да се спротивстави на настинките и да остане здраво.